Jahresgedicht SSC Toggenburg Nordic Saison 2023 / 2024
DRennguppe noi ufgstellt und professionalisiert
Simer viel ufde Rollski gstande und hend technisch wahnsinnig profitiert
Au de Schüssstand bide Curlinghalle isch de Hit
So werded mer mit Treffe so richtig fit
Zum schwarz uf wiss gse öb mir schneller werded bis im Winter
Hämer en eigne Berglauf grad duruf und mier werded immer gschwinter
Eimol im Momet hämer alli zäme vo gross bis chli trainiert
Rollski, Ol, Stockgang, Jogge, Postelauf und sogar dBänkliwäg Eröffnig hämer flankiert
Eifach e cooli Trupper sind mir alli vom chlinschte bis zum ältischte Leiter
So isch dStimmig, kämpferisch, streng, stolz, usefordernd, lustig und heiter
Danke das ihr – Laila, Anna, Jasmin und Andrea an J&S Kurs uf Andermatt gange sind
Mit technische Fortschritt und vielne neue Ideeä im Gepäck gits bi üs noie Wind
Mit em Biathlon Kurs vo de Ines hämer etz de dritt Trainer wo zellt
Eifach cool simer i üserere SSC Familie im Nordische Bereich so guet ufgstellt
De Usflug id Lenzerheid isch au das Johr en volle Erfolg gsi
Sofort i di noi Planig iegno denn de November chunt scho cheibe gli
Genial wie de Winter afangs Dezember isch gstartet,
do hämer mitem Schneetraining nöd lang gwartet
Bald müese uswiche uf Wildhus oder d’Sellamatt
Aber hei hauptsach Schnee mit oi hät mers überall glatt
De chüel Januar het üs nomol es paar Training uf de Talloipe ge
Trotz immer me schwindendem Schnee hämer üs sLangloifle nöd lo ne
Danke ad Wildhuser Bergbahne eimol me
Ufem Kunstschnee im Tal und uf de Piste vo Wildhus bis Freienalp het mer üs Langloifer gse
D Race Gruppe het fasch immer uf de Selllamatt intervall Trainiert
Leider hets üsi Schüsständ nie mit Schnee garniert
Im Voralpecup hämer viel Renne erfolgrich grockt
Bim Speer Renne im Sellamatt sogar 27 SSCler an Start glockt
Au bim Biathlon Swiss Cup simer erfolgrich dra
Gueti Leistige und Podestplätz händ ufhorche la
Aber nöd nur dLeistige sind die wo zelled und starch sind zum gwichte
Sondern cooli Täg, gmeinsami Emotione, Prägendi Erläbnis und Gschichte
Zum Glück hämer de Chraftrum und s Fürwehrstübli bi schlächtem Wätter und fählendem Schnee
Vo Kopfstand, Rolle, Stabilität, Schnellkraft, Stafette, Workout über Schüsse und me
S’wichtigscht für üs isch oi dFroid am Langlaufe z wecke und z erhalte
Dur filligrani Technik, zuenehmendi Chraft und Usduur no me entfalte
Ihr alli hend so viel Fortschritt gmacht i vielne vo dene Bereich
Jede vo oi isch für de SSC Toggeburg nordic und üsers Team es Gscheich*
Mir danked oi allne fürs debi si und wünsched e gueti Früeligsziit
Mir froied üs scho ufs erscht Training im Mai, s‘isch nüme wiit.
Liebi Grüess Ines und Leiterteam
*Wallisderdeutsch Geschenk
